BMW адклікае 300 тысяч машын з-за дэфекту акумулятара
На думку спецыялістаў кампаніі, брак мог прывесці да праблем пры яздзе і загарання рухавіка.
Як інфармуе ВВС, праблема датычыць аўтамабіляў пятай і шостай серый, выпушчаных паміж 2003 і 2010 годам. Нямецкі аўтаканцэрн паведаміў пра атрыманне дзевяці скарг ад спажыўцоў, якія датычылі дрэннай працы акумулятара.
Зрэшты, ні ў адным выпадку з дзевяці выяўлены дэфект не прывёў да дарожна-транспартнага здарэння ці траўмы аўтаўладальніка.
