Брэсцкія спецназаўцы — наймацнейшыя ў краіне
З такімі вынікамі для іх скончыўся ўдзел у Рэспубліканскім чэмпіянаце па шматбор'і сярод спецпадраздзяленняў.
Спаборніцтвы праходзілі ў Брэсце. Сёлета ў іх ўдзельнічалі 10 камандаў. У іх ліку падраздзяленні міліцыі спецыяльнага прызначэння службы абласцей, каманда Службы бяспекі прэзідэнта Беларусі, спецназ "Алмаз", прадстаўнікі сталічнай міліцыі і СОБР.
Па выніках спаборніцтваў лепшым стаў брэсцкі абласны спецназ, срэбра заваявала каманда СОБРа, а трэцяе месца заняў "Алмаз".
Спаборніцтвы складаліся з трох этапаў. Першы — стральба з табельнай зброі, другі — паласа з перашкодамі, трэці — крос на 3 км.
