Брытанская каралева Элізабэт II трапіла ў лякарню
Яе шпіталізавалі ў нядзелю з падазрэннем на гастраэнтэрыт.
Букінгемскі палац заявіў, што ўдзел каралевы ва ўсіх мерапрыемствах, запланаваных на наступны тыдзень, адменены.
У суботу 86-гадовая каралева мусіла быць ва Уэльсе на ўрачыстых мерапрыемствах з нагоды Дня Давыда Валійскага — святога заступніка краю. Як перадае ВВС, адмена Элізабэт II афіцыйнага візіту — вельмі рэдкі выпадак.
Тым часам прадстаўнік каралеўскага двара адзначыў, што здароўю манарха нічога не пагражае, і яна знаходзіцца ў добрым настроі.
Дарэчы, апошні раз каралеву шпіталізавалі 10 гадоў назад. Тады ёй зрабілі невялікую аперацыю на калене.
Фота — perevodika.ru
