Брытанскіх турыстаў не пусцілі ў ЗША праз іх жарты ў Twitter
Яны напісалі ў мікраблогах фразу "destroy America" ("знішчыць Амерыку"), якую заўважылі супрацоўнікі антытэрарыстычнага аддзела амерыканскай паліцыі.
У выніку, грамадзянін Вялікабрытаніі разам са сваёй сяброўкай быў затрыманы ў міжнародным аэрапорце Лос-Анджэлеса. Іх доўга дапытвалі, утрымлівалі ў кайданках у камеры і толькі пасля гэтага адправілі на радзіму.
Турыст тлумачыў паліцыі, што той фразай у Twitter ён спрабаваў сказаць, што плануе весела пагуляць у ЗША. Таксама "сілавікі" правяралі, ці сапраўды брытанцы планавалі раскапаць магілу Мэрэлін Манро, пра што таксама няўдала жартавалі ў Twitter, паведамляе газета The Sun.
Фота: swns.com
