Брытанцы правядуць назіральны палёт над Беларуссю
Ён адбудзецца ў межах дамовы “Адкрытае неба”.
Палёт адбудзецца ў перыяд з 17 па 21кастрычніка, паведамляе агенцтва “РИА Новости”. Вайскоўцы з Вялікабрытаніі агледзяць тэрыторыю Беларусі, пасля чаго інспекцыйны палёт працягнецца над Расіяй.
Дамова па адкрытым небе была прынятая 27 дзяржавамі-ўдзельніцамі Арганізацыі па бяспецы і супрацоўніцтву ў Еўропе ў 1992 годзе ў Хельсінкі. Яе мэта – умацаванне ўзаемаразумення і даверу з прадастаўленнем усім удзельнікам магчымасці адкрыта збіраць інфармацыю аб узброеных сілах і мерапрыемствах, якія выклікаюць у іх заклапочанасць.
