Партыя Саакашвілі прайграе на выбарах у парламент
Згодна з першымі вынікамі апазіцыйны блок мільярдэра Бідзіна Іванішвілі “Грузінская мара” перамагае на парламенцкіх выбарах з вынікам 51,6%.
Гэта дадзеныя пасля падліку 5,3% пратаколаў. Партыя прэзідэнта Міхаіла Саакашвілі “Адзіны нацыянальны рух” набірае 43,9% галасоў.
Па дадзеных ЦВК, падлічана 198 пратаколаў з 3766. Астатнія партыі набіраюць пакуль менш за 5%. Раней паведамлялася, што Іванішвілі пасля абвяшчэння папярэдніх вынікаў экзіт-полаў павіншаваў сваіх прыхільнікаў з перамогай на парламенцкіх выбарах.
Нагадаем, што выбары ў грузінскі парламент прайшлі 1 кастрычніка.
