Да берагоў Даніі мора выкінула 100-кілаграмовую партыю какаіну
Верагодна, партыя наркотыкаў не прызначалася для збыту ў Даніі, паведамляе мясцовая паліцыя.
Па словах прадстаўніка паліцыі Даніі Ганса Руста, буйная партыя наркотыкаў пераадолела вялікую адлегласць перш, чым дасягнула ўзбярэжжа Паўночнага мора. Какаін быў надзейна запакаваны ў пакеты і скрынкі, паведамляе сайт podrobnosti.ua.
Мясцовыя СМІ заяўляюць пра 100 кілаграмаў наркотыкаў. Аднак паліцыянты адмовіліся пацвярджаць гэтыя звесткі, бо Еўрасаюз пачаў расследаванне па гэтай справе.
