ДАІ настойвае на канфіскацыі аўтамабіляў у п'яных кіроўцаў
Аб гэтым заявіў начальнік аддзела дарожна-патрульнай службы Упраўлення ДАІ МУС Аляксандр Цагельнік.
Паводле яго слоў, ДАІ разглядае канфіскацыю аўтамабіляў як адну з найбольш дзейсных мер. Яна можа істотна паўплываць на змяненне сітуацыі на дарогах Беларусі. Цагельнік нагадаў, што з падобнай прапановай ДАІ выступала ўжо неаднаразова, аднак гэтае пытанне абмяркоўваецца і рашэнне па ім не прынятае.
Паводле інфармацыі ДАІ, за 9 месяцаў 2011 года ў Беларусі па віне нецвярозых кіроўцаў адбылося 628 аварый, паведамляе БелаПАН.
