Дзяўчына ледзь не загінула, ратуючы ката (фота)
27 красавіка а 00.40 на лінію МНС у Мінску паступіла паведамленне: з вонкавага боку балкона на 9-м паверсе вісіць чалавек і не можа самастойна залезці назад.
Дзяўчына 1992 года нараджэння была ў гасцях у сяброўкі і вырашыла ўратаваць гаспадынінага ката. Жывёла перабралася на суседскі балкон і не магла вярнуцца назад. У выніку супрацоўнікам МНС давялося з дапамогай аўталесвіцы даставаць саму ратавальніцу, перадае БЕЛТА.
На шчасце, і для дзяўчыны, і для ката ўсё скончылася добра.
