Электронны курс беларускага рубля апусціўся да 6500 за адзін долар
Па такім курсе рублі можна прадаць. Калі хочаце набыць, то заплаціць прыдзецца ўжо па курсе 6585 рублёў за адзінку амерыканскай валюты.
Менавіта такія каціроўкі абмену тытульнымі знакамі сістэмы WebMoney – адпаведнікамі беларускага рубля ідолара ЗША – ўсталяваліся на біржы exchanger.ru, паведамляе “Хартыя 97”. У сярэднім электронны курс адрозніваецца ад курсу Нацбанка на 32%.
Нагадаем таксама, што на чорным рынку курс долара трымаецца на ўзроўні 6300 -- 6400. Курс Нацыянальнага банка на сёння -- 4958 рублёў за адзін долар.
