Еўрагрупа адклала выдзяленне Грэцыі новай фінансавай дапамогі
Такое рашэнне прынялі міністры фінансаў еўразоны.
Як паведамляе Associated Press, пра гэта позна ўвечары ў панядзелак заявіў кіраўнік Еўрагрупы, прэм'ер-міністр Люксембурга Жан-Клод Юнкер пасля паседжання ў Бруселі. Ён паабяцаў, што абмеркаванне пытання працягнецца 20 лістапада.
Нагадаем, каб пазбегнуць дэфолту, Грэцыя спадзявалася пазычыць у бліжэйшыя дні больш за 3 млрд еўра тэрмінам на адзін і тры месяцы.
Нягледзячы на адсутнасць рашэння аб выдзяленні новага траншу фінансавай дапамогі, Еўрагрупа вітае дзеянні ўраду Грэцыі па барацьбе з фінансавым крызісам.
Фота — АР
