Футбольнага трэнера пакаралі на 2 мільёны за непаслушэнства
Дысцыплінарны камітэт Беларускай федэрацыі футбола дыскваліфікаваў на 4 матчы і аштрафаваў галоўнага трэнера наваполацкага "Нафтана" Ігара Кавалевіча.
Ён быў выдалены з трэнерскай лаўкі падчас нядаўняга фінальнага кубкавага матчу з "Мінскам". Аднак, нягледзячы на выдаленне, Кавалевіч неаднаразова вяртаўся з трыбуны і размаўляў з гульцамі. На заўвагі арбітра ён не звяртаў увагі.
Нагадаем, што "Нафтан" тады выйграў па пенальці і стаў уладальнікам Кубка Беларусі.
Фота — bymedia.net
