Футбольная “маладзёжка” атрымае 800 тысяч долараў прэміальных
Аб гэтым заявіў намеснік кіраўніка Беларускай федэрацыі футбола Сяргей Сафар’ян.
Памеры прэміальных былі вызначаныя яшчэ да пачатку Чэмпіянату Еўропы, паведамляе партал football.by. За выхад у паўфінал зборная павінна была атрымаць 150 тысяч долараў, за атрыманне алімпійскай ліцэнзіі – 400 тысяч, а за чэмпіёнства – 500. А на днях UEFA паведаміла, што БФФ атрымае 300 тысяч еўра за перамогу моладзевай зборнай Беларусі ў матчы за трэцяе месца.
Нагадаем, што зборная Беларусі заняла трэцяе месца на Чэмпіянаце Еўропы, абыграўшы ў матчы за бронзу каманду Чэхіі з лікам 1:0 і трапіла на Алімпіяду ў Лондане.
