Галоўнага рэдактара "Нашай Нівы" выклікалі ў КДБ
"Для апытання па пытаннях, якія ўяўляюць цікавасць для бяспекі Рэспублікі Беларусь", — так абгрунтаваны выклік па позве, паведамляе "НН".
За апошнія чатыры месяцы гэта ўжо сёмая сустрэча выдання з КДБ, калі лічыць такімі чатыры ператрусы, адзін допыт і адно наведванне для канфіскацыі фота- і відэаматэрыялаў.
Цяперашні выклік, верагодна, звязаны з публікацыямі газеты пра тэракт у мінскім метро.
