“Газпрам” зладзіць “карпаратыў” у Віцебску
Спяваць і танчыць самадзейныя творчыя калектывы, складзеныя з расійскіх газавікоў, будуць у Летнім амфітэатры і ў канцэртнай зале “Віцебск”.
Карпаратыўны фэст “Газпрама” называецца “Паходня”. Яго фінал прызначаны на травень 2013 года. Супрацоўнікі “Газпрама” будуць спаборнічаць паміж сабой у вакале і харэаграфіі, паказваць нумары эстрадна-цыркавога і арыгінальнага жанра. Выступаць будуць і дзеці, і дарослыя.
Адмыслова “пад фэст” расійскі газавы гігант абяцае падарыць Віцебску мабільную сцэнічную пляцоўку, перадае інфармагенцтва БелТА.
Фота: gazpromfakel.ru.
