Германія і Расія абмяркуюць сітуацыю ў Беларусі
Наша краіна стане адной з тэм нямецка-расейскіх міжурадавых кансультацый у Гановеры на наступным тыдні.
Па адной з версій, Берлін будзе спрабаваць пераканаць Маскву разам націснуць на рэжым у Мінску, паведамляе Польскае прэсавае агенцтва.
Трынаццатыя Кансультацыі, якія ўзначаліць Ангела Меркель, пачнуцца заўтра ўвечары. Удзел у іх возьме прэзідэнт Расіі Дзмітрый Мядзведзеў.
Паведамляецца, што адной з тэмаў перамоваў будзе магчымасьць сумеснага ціску на Лукашэнку, з мэтай вызвалення палітвязняў. Аб гэтым журналістам заявіў прадстаўнік канцлера Германіі Ангелы Меркель.
