Глабальны экалагічны фонд дасць Беларусі грошы
Глабальны экалагічны фонд выдзеліць Беларусі 4 мільёны долараў. Сродкі пойдуць на забалочванне выпрацаваных тарфянікаў.
Пра гэта паведаміла супрацоўніца Міністэрства прыродных рэсурсаў і аховы навакольнага асяроддзя Наталля Данькова.
Данькова: "Глабальны экалагічны фонд укладвае досыць сур'ёзныя сродкі (і зразумела што гэта не крэдытныя рэсурсы) у тое, каб рэалізоўваць гэтыя праекты. Яны сапраўды дадуць каласальны эфект не толькі з пункту гледжання скарачэння выкіду парніковых газаў — гэта і захаванне біяразнастайнасці, і магчымасць выкарыстоўваць гэтыя землі, таму што цяпер яны фактычна закінутыя".
