Глуханямы абрабаваў ламбард, пагражаючы бомбай
Здарэнне адбылося ў сераду ў Данецку на праспекце Ільіча.
Як паведамляе УНІАН, мужчына ўвайшоў у ламбард, трымаючы ў руках скрынку. Ён перадаў супрацоўніцы запіску, у якой паведамлялася, што ён глуханямы. Мужчына пагражаў падарваць памяшканне, калі яму не аддадуць грошы. Жанчына перадала грошы, пасля чаго рабаўнік уцёк.
Скрынку мужчына пакінуў у ламбардзе. Наведвальнікі і прадаўцы суседніх з ламбардаў крамаў былі эвакуяваныя, бо было падазрэнне, што невядомы прынёс выбуховае прыстасаванне. Пра затрыманне зламысніка пакуль не паведамляецца.
