Гомельскія студэнты ўдзельнічалі ў турніры па міні-футболе (фота)
У якасці суддзі турніра выступіў брамнік ФК “Гомеля” Срдзян Астойіч (Srdjan Ostojic).
Спаборніцтвы сярод гарадскіх ВНУ на прызы “Гомеля” адбываліся цягам выходных. Шэсць каманд, якія прадстаўлялі свае навучальныя ўстановы, былі разбітыя на дзве групы. У першы дзень спаборніцтваў прайшлі групавыя матчы ў адзін круг. Пераможцы груп наўпрост патрапілі ў паўфінал. Сёння прайшлі паўфіналы, матч за трэццяе месца і фінал.
Перамогу, а разам з ёй кубак и футбольны мяч, падпісаны гульцамі “Гомеля”, атрымала каманда ГДУ імя Францыска Скарыны.
