Гродзенку аштрафавалі на паўтары месячнай пенсіі
Суд Кастрычніцкага раёна Гродна асудзіў прадстаўніцу аргкамітэту партыі БХД пенсіянерку Галіну Котаву да штрафу ў 2,5 мільёна рублёў.
Між тым пенсія гродзенкі складае толькі 1 мільён 700 тысяч рублёў, паведамляе праваабарончы сайт "Вясна".
Пенсіянерку прызналі вінаватай у правядзенні несанкцыяванага пікету ў Румлёўскім парку. Тады БХД меркавала правесці акцыю ў падтрымку малога памежнага руху паміж Беларуссю і Польшчай. Аднак акцыю не дазволілі. Даведаўшыся пра гэта, удзельнікі пікета адразу сышлі.
Суддзя не ўзяла пад увагу тое, што Котава адразу спыніла правядзенне пікету, калі зразумела, што ён недазволены.
