Гродзенскіх даішнікаў узброілі 3G-мадэмамі
Цяпер з дапамогай мабільнага інтэрнэту ніводзін парушальнік ПДР не застанецца непакараным.
На трасе Мінск-Гродна за кіроўцамі сочаць супрацоўнікі ДАІ, узброеныя радарамі, ноўтбукамі і 3G-мадэмамі, інфармуе тэлерадыёкампанія “Гродна”. Сістэма назірання фіксуе хуткасць руху аўтамабіляў. Калі фіксуецца перавышэнне хуткасці, інфармацыя пра аўто (марка, колер, нумарны знак) перадаецца наступнаму пасту ДАІ. На ім спыняць кіроўцу і пакажуць яму відэа.
Паводле прадстаўнікоў абласнога ДАІ, гэтага будзе дастаткова, каб аштрафаваць парушальніка правілаў дарожнага руху.
