Гульні БАТЭ з “Міланам” і “Вікторыяй” будуць перанесеныя
УЕФА дазволіла беларускаму клубу пачаць іх раней запланаванага часу.
Саюз еўрапейскіх футбольных асацыяцый дазволіў БАТЭ перанесці на больш ранні час хатнія матчы групавога этапу Лігі чэмпіёнаў супраць італьянскага "Мілана" і чэшскай "Вікторыі", паведаміла прэс-служба барысаўскага клуба.
Цяперашняй восенню Беларусь па прыкладзе Расіі не будзе пераходзіць на зімовы час, таму гульні з "Міланам" (1 лістапада) і "Вікторыяй" (23 лістапада) павінны былі пачацца ў 22.45. Па рашэнні УЕФА сустрэча БАТЭ - "Мілан" пачнецца ў 20.00 па мінскім часе, БАТЭ - "Вікторыя" – у 21.00.
