Італьянскага дыпламата злавілі п’яным за рулём
Аташэ пасольства Італіі ў Беларусі Маурыцыё Крацічэлі быў затрыманы супрацоўнікамі ДАІ за кіраванне аўтамабілем у стане алкагольнага ап'янення.
Як паведамілі «Ежедневнику» у ГУУС Мінгарвыканкама, у суботу 2 ліпеня ўвагу супрацоўнікаў ДАІ прыцягнула прэстыжная машына «Аўдзі Q7», кіроўца якой відавочна знаходзіўся ў стане алкагольнага, альбо наркатычнага ап'янення. Самае дзіўнае, што на машыне былі дыпламатычныя нумары.
