Каля берагоў Італіі адбылася аварыя лайнера з турыстамі
Паводле першых звестак, ёсць ахвяры — ці то 6, ці то 8 чалавек.
Агулам на борце "Коста Канкордзія" было больш за чатыры тысячы чалавек — пасажыры і экіпаж, паведамляюць СМІ.
Аварыя адбылася каля выспы Джылья. Уначы круізны карабель наляцеў на скалы і прабіў корпус. З борта лайнера выратавальнікі дастаўляюць людзей верталётамі як на выспу Джылья, так і на мацярык у горад Порта Санта Стэфана.
На лайнеры было каля 120 рускамоўных турыстаў, усе яны эвакуяваныя.
