КДБ падазрае пенсіянерку ў злоўжываннях на 40 мільёнаў
Распачатая крымінальная справа ў дачыненні былой намесніцы дырэктара прадпрыемства "Гроднарыба", якая цяпер знаходзіцца на пенсіі.
Жанчына падазраецца ў "злоўжыванні ўладай ці службовымі паўнамоцтвамі, якія пацягнулі цяжкія наступствы". Справу распачало Упраўленне КДБ па Гродзенскай вобласці.
Як паведамляе "Ежедневник", паводле папярэдніх звестак, былая намесніца дырэктара ў студзені 2011-га нанесла страты прадпрыемству ў памеры больш за 40 мільёнаў рублёў.
Дарэчы, раней гэтая жанчына ўжо была асуджаная за аналагічнае злачынства, ёй давялося сысці са сваёй пасады.
Фота — bymedia.net
