Кіраўніца пажарнага гуртка ўратавала вясковую школу
26 студзеня ў актавай зале Малоткавіцкай сярэдняй школы ў Пінскім раёне ў часе рэпетыцыі хору занялася агнём гукавая калонка.
49-гадовая настаўніца, якая вядзе гурток “Юны ратавальнік”, не разгубілася і ліквідавала ўзгаранне пры дапамозе парашковага вогнетушыцеля.
Да прыбыцця ратавальнікаў усіх прысутных са школы эвакуявалі. У выніку пажара былі пашкоджаныя музычная калонка, пяць крэслаў, заслона, ад дыму закапціліся сцены і столь.
Адважную настаўніцу шпіталізавалі з дыягназам “атручэнне прадуктамі гарэння”, аднак лекары кажуць, што неўзабаве яе выпішуць, паведамляе прэс-служба МНС.
