Кіраўніцтва Полацкага вінзаводу абвяргае звесткі пра страйк
Дырэктар заводу Аляксандр Масалаў кажа, што ніякага страйку ўвогуле не было.
Нагадаем, што раней паведамлялася пра стыхійны страйк работнікаў вінаробнага заводу. Прычынай забурэння называліся нізкія заробкі — каля 2 мільёнаў рублёў.
У каментары агенцтву "Інтэрфакс" Масалаў адзначыў, што заробкі выплочваюцца, хаця ва ўсіх яны розныя. Сярэдні заробак, кажа дырэктар, складае прыкладна 4,5 млн рублёў. "Камусьці штосьці было незразумела — я схадзіў зранку, растлумачыў", — кажа Масалаў, ускосна прызнаючы праўдзівасць звестак пра выступ рабочых.
Фота — antiprojectrussia.ru
