Колькасць ахвяр выбуху ў Астрахані вырасла да 7 чалавек
Сёмую ахвяру дасталі з-пад завалаў сёння каля абеду.
Як інфармуе РБК, у разбуранай частцы дома зарэгістраваныя 58 жыхароў, аднак фактычна пражывалі 88 чалавек.
Па звестках следства, з месца выбуху ў лякарні горада дастаўлена 7 чалавек, у тым ліку дзіця. Зніклымі без вестак лічацца 14 чалавек: 8 жыхароў пад'езда, 2 працаўнікі і 4 наведвальнікі крамы "Багема", што размяшчалася на першым паверсе будынка.
У рамках расследавання крымінальнай справы следчыя затрымалі трох супрацоўнікаў "Астраханьгазсервіс" і дырэктар кіраўнічай кампаніі. Таксама фігурантам справы з'яўляецца яшчэ адзін супрацоўнік "Астраханьгазсервіса", які знаходзіцца ў лякарні.
Нагадаем, што выбух у 9-павярховым доме ў Астрахані адбыўся ўчора ўдзень. Следства разглядае дзве асноўныя версіі — выбух бытавога газу і спробу суіцыду.
