Краіну на поўдні Афрыкі ўзначаліла прэзідэнт-феміністка
Дзяржавай Малаві цяпер будзе кіраваць Джойс Банда, вядомая змагарка за правы жанчын, паведамляе агенцтва Reuters.
Пасада прэзідэнта стала вакантнай пасля смерці на гэтым тыдні Бінгу ва Матарыкі, былога лідара краіны. Паколькі Джойс Банда была віцэ-прэзідэнтам, яна па Канстытуцыі і павінна прыняць прэзідэнцкую пасаду. Аднак цягам двух дзён ніякіх паведамленняў на гэтую тэму не было, таму ўзніклі чуткі пра жорсткія рознагалоссі ў мясцовай эліце.
Вырашальным стаў аргумент вайсковага кіраўніцтва, якое заклікала прытрымлівацца дзеючага заканадаўства Малаві.
Эканамічная сітуацыя ў гэтай краіне, адной з найбяднейшых у свеце, далёкая ад ідэалу. МВФ і Сусветны банк замарозілі дапамогу малавійскаму ўраду. Джойс Банда абяцае вырашыць гэтыя праблемы і дамагчыся новых грашовых паступленняў з-за мяжы.
