Лукашэнка заяўляе, што дэнамінацыі і дэвальвацыі ў 2013 годзе не будзе
Такая заява прагучала падчас дакладу ўрада і Нацбанка аб працы эканомікі за сёлетнія 8 месяцаў і праектах бюджэту і грашова-крэдытнай палітыкі на наступны год.
Кіраўнік дзяржавы абверг чуткі пра хуткую дэвальвацыю і дэнамінацыі рубля, паведамляе БелаПАН. Ён заявіў, што ў прагнозе бюджэту гэта не прадугледжана. У распаўсюдзе чутак Лукашэнка традыцыйна абвінаваціў апазіцыю. Па яго словах, зараз улады не стрымліваюць курс рубля адносна валюты — ён складаецца рынкавымі метадамі.
