Мінсувязі: Продаж дзяржпакета МТС "прапрацоўваецца"
Беларускія ўлады не прынялі канчатковага рашэння аб продажы свайго пакета ў беларуска-расійскім СП "МТС".
Пра гэта 20 красавіка паведаміў намеснік міністра сувязі і інфарматызацыі Беларусі Сяргей Несцяровіч.
Адносна тэрмінаў і ўмоваў продажу дзяржпакета акцый у беларуска-расійскім СП "МТС" намміністра патлумачыў: "Цяпер пытанне продажу беларускай долі прапрацоўваецца як ва ўрадзе, гэтак і ў Дзяржкаммаёмасці. Якой будзе далейшая сітуацыя, пакажа толькі час".
Ад далейшых каментароў па пытаннях продажу 51% акцый, што належаць дзяржаве, Несцяровіч адмовіўся, перадае ІА REGNUM.
