Магілёўскі лекар "пагарэў" на хабары ў 4 тысячы долараў
За такую суму ён збіраўся “адкасіць” прызыўніка ад войска.
Загадчыка аддзялення нефралогіі Магілёўскай абласной бальніцы затрымалі, калі ён атрымліваў грошы. Паводле міліцыі, лекар выдаваў прызыўнікам дакументы, якія вызвалялі іх ад вайсковай службы.
Толькі ў Мсціслаўскім раёне праваахоўнікі выявілі 44 чалавекі, якія мелі аналагічныя даведкі. Цяпер па гэтым факце ідзе праверка, перадае “Радыё Магілёў”.
