Магілёўцы адстаялі платную аўтастаянку
Мясцовыя ўлады паведамілі, што яна надалей працягне працу ў звыклым рэжыме.
Паркаваць жа свае аўтамабілі работнікі завода “Ольса” будуць каля прадпрыемства.
Як раней паведамляла Еўрарадыё, пасля таго, як завод “Тэхнапрыбор” увайшоў у склад завода “Ольса”, яго кіраўніцтва вырашыла зрабіць з агульнай стаянкі — стаянку для рабочых завода. Аўтаўладальнікам прапанавалі да 28 лютага вызваліць стаянку ад сваіх машын.
Грамадскі актывіст Аляксей Паўлоўскі арганізаваў збор подпісаў у абарону стаянкі, бо пасля яе ліквідацыі машыны яшчэ болей бы закрузілі прылеглыя двары. 55 подпісаў было выслана мясцовым чыноўнікам.
Фота — venturebeat.com
