Мінчанка напала на абменнік, каб накарміць сваё дзіця (фота)
У міліцыі кажуць, што гэта першае яе злачынства. На яго яна пайшла ад адчаю.
Нагадаем, у мінулую пятніцу на пункт абмену валют Беларускага народнага банку ў сталіцы напала невядомая. Жанчына скарысталася тым, што касірка абменніка якраз адкрывала сваё памяшканне. Зламысніца штурхнула працаўніцу абменніка і запатрабавала, каб тая аддала ёй грошы. Пры гэтым пагражала пярцовым балончыкам. Аднак касірка аказала актыўнае супраціўленне і нападніца ўцякла. Пазней яе затрымалі.
Як паведамляе сайт onliner.by, высветлілася, што жанчына адна выхоўвае дзіця, знаходзіцца ў дэкрэтным адпачынку, муж з сям'і сышоў. Паводле яе слоў, грошай, каб пракарміць дзіця, не было. Таму яна і пайшла на рабунак.
Фота — onliner.by
