Мінскае "Дынама" сёння гуляе з омскім "Авангардам"
Дынамаўцы правядуць на "Мінск-Арэне" чарговы матч чэмпіянату Кантынентальнай хакейнай лігі.
Ён пачнецца а 19-й гадзіне. Жывая трансляцыя запланаваная на тэлеканале "Беларусь-2".
Нагадаем, што пасля адстаўкі Кары Хейкіля "Дынама" знаходзіцца пад кіраўніцтвам Аляксандра Андрыеўскага (ён выконвае абавязкі галоўнага трэнера). 17 кастрычніка мінчукі атрымалі перамогу над чэхаўскім "Віцязем" — 3:1.
Цяпер "Дынама" займае 11-е месца ў Заходняй канферэнцыі, у яго 21 ачко пасля 17 матчаў. "Авангард" знаходзіцца на 5-м месцы ва Усходняй канферэнцыі, у 19 гульнях набрана 31 ачко.
