Мінскіх школьнікаў пагоняць "на бульбу"
На ўборку ўраджаю могуць вывезці старшакласнікаў сталічных школаў.
Як інфармуе БЕЛТА, кіраўнік Мінгарвыканкаму Мікалай Ладуцька 12 верасня даў сваім падначаленым заданне распрацаваць гэтую праблему.
Па словах Ладуцькі, школьнікам трэба больш ужываць натуральных сокаў. А для гэтага неабходна нарыхтаваць больш буракоў і морквы і закупіць адпаведнае абсталяванне. Чыноўнік заявіў, што школьнікі сваімі рукамі збяруць гародніну, прывязуць і будуць спажываць.
Мікалай Ладуцька ўпэўнены, што бацькі не будуць пратэставаць супраць вывазу дзяцей "на бульбу".
