Мовазнаўцы: МКАД нельга скарачаць да МУНД
З такой заявай выступіў навуковы сакратар Інстытута мовы і літаратуры НАН Беларусі Ігар Капылоў.
Нагадаем, што нядаўна Мінская кальцавая аўтадарога ўвайшла ў склад горада. Ранейшую назву МКАД замянілі на "Магістральная вуліца бесперапыннага руху". Рускамоўны скарот МУНД стаў крыніцай шматлікіх злых жартаў.
У каментары "Народнай газеце" мовазнаўца Ігар Капылоў адзначыў, што цяпер дарога стала вуліцай. А назвы вуліц не маюць абрэвіятураў. Як прыклад ён згадаў вуліцу Лейтэнанта Кіжаватава, а не проста Кіжаватава, а таксама вуліцу Леаніда Бяды.
А вось скарачэнне МКАД дапускалася, бо азначала дарогу, а не вуліцу.
Фота — belarus.by
