Музыкантам Дзяржаўнага сімфанічнага аркестра не даплацілі ганарары
Пасля гастроляў у Італіі музыкі не атрымалі частку ганарару. Вярнуць грошы яны спрабуюць праз следчыя органы.
Пра гэта "Народнай Волі" распавёў Пётр Лук'янёнак, саліст Дзяржаўнага сімфанічнага аркестра Рэспублікі Беларусь. Па яго словах, гастрольны тур адбыўся ў канцы снежня — на пачатку студзеня. Кантракт на выступ музыкі не бачылі, паверылі на слова дырэктарцы — Ірыне Арцімовіч. Музыкам абяцалі плаціць па 35 еўра ў суткі.
Па словах Лук'янёнка, артысты давалі па два канцэрты ў дзень. Яны меліся атрымаць па 520 еўра. Аднак атрымалі толькі па 300. Калі ўлічыць, што ў паездцы было 50 музыкантаў, то недаплочаная сума складае 11 000 еўра.
Дырэктарка аркестра кажа, што не можа нічога вырашыць. У бухгалтэрыі філармоніі нічога не чулі пра гастролі. Усё гэта і змусіла музыкаў напісаць заяву ў следчыя органы.
Фота — remusik.org
