МЗС Беларусі звярнуў увагу на крызіс у Сірыі
Беларусам, якія знаходзяцца ў Сірыі, рэкамендавана не наведваць гарады Дараа, Хомс, Латакія, Баніяс, дзе праходзяць масавыя антыўрадавыя выступы.
Пра гэта паведаміла БЕЛТА намеснік начальніка ўпраўлення інфармацыі — начальнік аддзела прэс-службы МЗС Марыя Ваньшына.
"Мы ўважліва сочым за падзеямі, што адбываюцца цяпер у Сірыі", — адзначыла яна.
Хваляванні ў Сірыі пачаліся ў сярэдзіне сакавіка пасля арышту ў горадзе Дараа групы школьнікаў, якія пісалі на сценах антыўрадавыя лозунгі. Пазней хваляванні распаўсюдзіліся на іншыя гарады краіны.
