На “Фукусіме” магчымая новая ўцечка радыяцыі
З японскай атамнай электрастанцыі магло ўцячы 120 тон заражанай вады.
Пра гэта паведамляе кампанія-аператар станцыі ТЭРСА. Паводле яе інфармацыі, уцечку знайшлі ў адным з падземных рэзервуараў з вадой, якую выкарыстоўвалі для ахаладжэння рэактараў.
У пятніцу 5 красавіка на станцыі “Фукусіма-1”, якая спыніла сваю працу ў 2011 годзе, у другі раз за апошні месяц адключылася сістэма ахаладжэння басейнаў з адпрацаваным ядзерным палівам. Пазней непаладку ўдалося ліквідаваць.
У сакавіку 2011 года японская атамная станцыя атрымала сур’ёзныя пашкоджанні ў выніку землятрусу і цунамі, нагадвае ВВС.
