На "Камунарцы" і "Спартаку" застануцца назіральныя саветы
Дзяржкамаёмасць і канцэрн "Белдзяржхарчпрам" ініцыявалі правядзенне 26 кастрычніка пазачарговых сходаў акцыянераў гэтых прадпрыемстваў.
На іх мусяць быць унесеныя змены ў статуты таварыстваў і выбраныя новыя сябры назіральных саветаў, паведамляе "Ежедневник".
Нагадаем, 12 кастрычніка стала вядома, што Аляксандр Лукашэнка ліквідаваў назіральныя саветы "Спартака" і "Камунаркі". Адпаведнае даручэнне кіраўнік дзяржавы даў на нарадзе па пытанні развіцця кандытарскай галіны. Аператыўна былі змененыя дырэктары прадпрыемстваў.
Марат Новікаў, акцыянер "Спартака" (у акцыянерным капітале ў яго 54%) і "Камунаркі" (34%) у сваім каментары тады сказаў, што такога няма "нават у Венесуэле, на Кубе".
Эксперт: справа "Спартака" і "Камунаркі" — негатыўны сігнал інвестарам
Фота — bymedia.net
