На мадэрнізацыю "Камволя" возьмуць крэдыт у 200 мільёнаў долараў
Мінскае прадпрыемства "Камволь", якое выпускае швейныя і трыкатажныя вырабы, будзе мадэрнізавана за кошт турэцкіх крэдытаў.
Кошт праекта складзе 200 мільёнаў долараў. Аб гэтым паведаміў старшыня канцэрна "Беллегпрам" Генадзь Вырко.
Вырко: "Найбольш выгадныя прапановы мы атрымалі ад туркаў — гэта стоадсоткавае крэдытаванне праекта па прымальных працэнтных стаўках. Кантракт з інвестарамі будзе падрыхтаваны і падпісаны ў бліжэйшы час. З наступнага года пачнецца актыўная фаза рэалізацыі праекта. Рэалізаваны ён павінен быць да 2013 года".
