На падыходах да плошчы Якуба Коласа — "прэвентыўныя затрыманні"
Журналістам удалося пачуць з міліцэйскай рацыі: "Працуем паводле папярэдняга плана. Прэвентыўнае затрыманне пры падыходзе да плошчы".
Так і адбываецца. Супрацоўнікі ў цывільным сталі затрымліваць людзей ужо на падыходзе да плошчы Якуба Коласа, перадае "Хартыя 97".
Адразу ж быў затрыманы адзін з арганізатараў акцыі — намеснік старшыні "Маладога Фронту" Мікалай Дземідзенка. Міліцыянты панеслі яго ў аўтазак літаральна на руках.
Яшчэ за некалькі гадзін да пачатку акцыі на плошчы Якуба Коласа дзяжурылі міліцыя і АМАП. Прылеглыя да плошчы вуліцы запоўненыя аўтазакамі і аўтобусамі са спецназам.
