На прэзідэнцкіх выбарах у Расіі адзначаюць парушэнні
6 тысяч выбаршчыкаў незаконна зарэгістравала тэрытарыяльная выбарчая камісія ў маскоўскім раёне Строгіна.
Як паведаміў “Новой газете” прадстаўнік кандыдата ў прэзідэнты Генадзя Зюганава Аляксандр Кульпін, заяву з просьбай аб завочнай рэгістрацыі для галасавання прынёс невядомы. У спісах фігуравалі супрацоўнікі розных будаўнічых арганізацый, а сваё патрабаванне рабочыя тлумачылі бесперапынным рэжымам працы кампаніі.
Выданне адзначае, што рэдакцыя мае спіс працадаўцаў, прычым ніводная з кампаній не мае ў Строгіна ні філіялаў, ні дзеючых аб’ектаў будаўніцтва. Але старшыня тэрытарыяльнага выбаркаму Сяргей Козін адмовіўся адмяняць рашэнне аб рэгістрацыі 6 тысяч пабочных выбаршчыкаў.
Тым часам яўка на выбары на 10.00 паводле маскоўскага часу склала 15,3% і гэта ўтрая болей, чым на выбарах у Дзяржаўную думу, якія прайшлі ў снежні 2011 года.
