На выставе ў Гомелі можна паглядзець на падкаваную блыху (фота)

У экспазіцыі прадстаўлена каля дзьвух дзесяткаў драбнюткіх, у прамым сэнсе гэтага слова, работ: падкаваная блыха, чые падковы ў 6 мільёнаў разоў менш за падковы каня, караван вярблюдаў у іголкавай вушцы, ордэны памерам з пясчынку, выкананая з часцінак пылу ружа на зрэзе конскага воласа, размешчаны на палоўцы макавага зярнятка аэрадром з дваццаццю самалётамі ды іншыя.  Разгледзець экспанаты можна толькі з дапамогай  спецыяльных аб'ектываў,  якія ўмантаваныя ў манакуляры выстаўных формаў.
  
Аўтар прадстаўленых на выставе твораў – Уладзімір Аніскін, малады фізік, які займаецца мікрапрацэсамі ў Сібірскім Аддзяленні Расійскай акадэміі навук у Навасібірску.