Начальнікам Мінскага метрапалітэна прызначаны Расціслаў Юрэня
Загад пра гэта падпісаў гендырэктар дзяржаўнага прадпрыемства "Мінсктранс" Лявонці Папёнак.
Як паведамляе БелаПАН, Юрэню 54 гады. З 2005 па 2011 гады ён працаваў дырэктарам трамвайнага парку сталіцы.
Ранейшы начальнік Мінскага метрапалітэна Мікалай Андрэеў быў звольнены 31 траўня. Нагодай стаў інцыдэнт з кампаніяй юнакоў, якія без перашкодаў зайшлі на станцыю метро "Маскоўская" ў 4 гадзіны раніцы 29 траўня.
