Нацбанк ізноў павялічвае стаўку рэфінансавання
З 14 верасня яна павялічваецца з 27 да 30% гадавых.
Нацбанк заявіў, што гэтая мера ўводзіцца напярэдадні адкрыцця дадатковай сесіі таргоў на Беларускай валютна-фондавай біржы 14 верасня.
Гэта ўжо дзявятае ад пачатку года падвышэнне стаўкі рэфінансавання, адзначае БелаПАН. Апошні раз яна павялічвалася 1 верасня (ад 22% да 27% гадавых).
Дарэчы, у асноўных напрамках грашова-крэдытнай палітыкі на 2011 год прадугледжана зніжэнне стаўкі рэфінансавання да канца года да 8—10% гадавых.
