Нямецкі ўрад патрабуе неадкладнага спынення рэпрэсіяў у Беларусі
Берлін асудзіў вырак беларускага суда аб пакаранні апазіцыйнага актывіста Васіля Парфянкова за ўдзел у паслявыбарчых пратэстах супраць Аляксандра Лукашэнкі.
"Нямецкі ўрад патрабуе неадкладнага спынення рэпрэсіяў і судовага пераследу апазіцыянераў, а таксама вызвалення ўсіх палітзняволеных", – заявіў Камісар па правах чалавека Германіі Маркус Лёнінг, паведамляе Радыё Свабода.
"Згаданы прысуд падцвярджае, што Еўрасаюз зрабіў слушны крок, увёўшы санкцыі супраць Беларусі раней у гэтым месяцы", – дадаў Лёнінг.
