П’яны кіроўца пакалечыў свайго малалетняга сына
Здарэнне адбылося 11 ліпеня на МКАД.
У рэанімацыю мінскай бальніцы хуткай медыцынскай дапамогі 11 ліпеня быў прывезены трохгадовы хлопчык, які сур'ёзна пацярпеў у выніку аўтааварыі.
Як паведамілі БелаПАН ва ўпраўленні мінскай ДАІ, дзіця было пасажырам аўтамабіля "Опель Зафіра", якім кіраваў яго бацька. ДТЗ адбылося прыкладна ў дзьве гадзіны дня. П’яны кіроўца "Опеля" сутыкнуўся з грузавіком "МАН", які рухаўся ў спадарожным кірунку. Пасля гэтага "Опель" працягнуў рух і яшчэ раз сутыкнуўся з аўтамабілем "Фольксваген Пасат".
У выніку аварыі хлопчык атрымаў адкрытую чэрапна-мазгавую траўму цяжкай ступені, удар галаўнога мозгу і пералом асновы чэрапа.
