Пад Брэстам перакулілася фура "Санта Брэмара" (фота)
Грузавік зваліўся з дарожнай развязкі, перакуліўся некалькі разоў і параскідаў груз — рыбу і зяленіва. Кіроўцу адвезлі ў лякарню.
У яго шматлікія пераломы і траўмы ад удараў. Мяркуецца, што кіроўца выбраў на крутым павароце развязкі над шашой М1 няправільную хуткасць, наехаў на бар’ер і зваліўся пад адхон.
Кіроўца перавозіў груз, які належаў фірме "Санта Брэмар". Ён ехаў з боку памежнага пераходу "Казловічы". Ідзе расследаванне.
